Si Kabayan Ngadeupaan Lincar
Dimuat ku bujanggamanik dina Méi 18, 2008
Si Kabayan jalma miskin taya kaboga. Di sakampung éta mah pangmalaratna baé meureun. Imahna teu béda ti saung butut. Ari pagawéanana, kitu wé buburuh ngoréd.
Béda deui jeung tatangga Si Kabayan, bandar munding anu kacida beungharna. Sawahna lega, kebonna puluhan héktar, imahna gé nya gedé nya agréng.
Sakali mangsa tatangga Si Kabayan téh hajat gedé, ngawinkeun anakna. Ondangana kacida lobana, boh ti nu jauh boh ti nu deukeut. Carék wiwilanganana salembur éta mah diondang kabéh, iwal Si Kabayan.
Si Kabayan jeung pamajikanana teu kira-kira waé nalangsaeunana. Tuluy waé Si Kabayan téh ngalaan baju, kencling indit ka pipir imah nu boga hajat, pék ngadeupaan lincar.
“Sadeupa, dua deupa, tilu deupa, …,” cenah.
Sémah kacida kagéteunana, nénjo kalakuan Si Kabayan kitu téh. Saréréa ngariung nénjokeun Si Kabayan ngadeupaan imah nu boga hajat.
Pribumi ogé norojol; barang ngadéngé rebut-ribut di luar téh, gancang kaluar. Ari rét ka Si Kabayan, manéhna ngajenghok, tuluy nanya ka Si Kabayan.
“Ku naon Kabayan, manéh téh ngadeupaan lincar? Bet éta jeung teu dibaju kitu, kawas budak waé.”
Témbal Si Kabayan, “Wah, mun kolot gé diondang.”
Nu boga hajat pohara éraeunana, rumasa ngabéda-béda jelema. Gancang waé nyarita.
“Kapan ti kamari gé diondang. Manéhna mah sok pohoan. Gancang balik, dibaju heula, engké ka dieu, sakalian bawa pamajikan,” kitu ceuk nu boga hajat téh.
Si Kabayan kacida atoheunana.
gajahkurus pok
hehehe….pinter tah si Kabayan. Pesen nu digambarkeun ku kalakuanna, ulah sok ngabeda-beda jelema, rek nu hideung, nu beureum, nu koneng sarua darajat jelema mah.
Tenor pok
Somehow i missed the point. Probably lost in translation
Anyway … nice blog to visit.
cheers, Tenor
pribumi pok
Welcome to my blog, Tenor. Thanks for your comment.
Reedkoor pok
Ari lincar teh naon ?
pribumi pok
Lincar teh nya eta papan anu dipasang di beh handap (sisi-sisi) bilik, di sakuriling imah panggung. Fungsina pikeun mageuhan atawa nyemped bilik sangkan pageuh.
asep yusup pok
sim kuring mah bade tumaros ari salira teh saha?geuning seueur pisan peperenianana…..naha pribumi teh ti institusi pamarentah?
asep yusup pok
sakantenan hoyong wanoh, sok komo sim kuring mah, nu nuju ngumbara di taneuh swarnadwipa,….di medan, kaleresan deui bojo teh urang jawi,…..ah,pun anak ge nepi katepaan jawana…..sugan engke mah rek didongengkeun si kabayan, mudah-mudahan we pogoteun
pribumi pok
Aduh wilujeng ngumbara atuh saderek Asep Yusup. Hatur nuhun parantos luntur galih wawanohan sareng sim kuring. Sim kuring teh guru basa Sunda di hiji SMP. Diantos kasumpingan saderek salajengna.
Aang Zaeni pok
Kang asep wilujeng wanoh sreng simabdi, tong hilap kang linggih deui ka ieu blog kanggo silaturahmi sareng baraya urang sunda sadayana….
W. Mulyawan pok
sae sae.. heben lah
Lita Rizki F. pok
Bu, kumaha damang? mudah-mudahan sehat. Abdi teh alumni smpn 4 cimahi tahun 2007-2008 kelas 9b. Kumaha kabar Dini? mudah-mudahan sehat oge. nuhun pisan kanggo elmuna basa di smp, kaanggo pisan di sma.
Pribumi pok
Alhamdulillah Lita, ibu sareng Dini nuju sehat. Tangtos ibu moal hilap ka Lita, wargi Bu Erna anu pinter tea. Ngiring bingah atuh ari pangajaran Basa Sunda diteraskeun di SMA mah. Hatur nuhun kana kasumpinganana.
Anzu-Ohz Killers pok
wakakakakak…. carita Si Kabayan mah kocak kabeh euh!!!!:D
kuring hayang bogaan jilidna ah….!!!
kuring kelas 6 SD yeuh….:D
nanaonan weh saba pohoeun yeuh….:D
B) B) B) B) B) B) B) B) B) B) B) B) B) B)
unggal rek mejeng ah…..
maraneh rek mejeng ka imah Kabayan teu…??
bisi rek mejeng….kuring hayang oge nya….!!!
MACA………!!! ‘SI KABAYAN SABA KOTA’ NYA!!!
Randy pok
makasih ya bu udah menyelamatkan saya dari setrapan guru bahasa sunda YES!!