Rohang Kalam jeung Daluang

Nyiar Luang ti Papada Urang

Kabayan, Aya-aya Waé

Posted by bujanggamanik dina Oktober 14, 2008

Ngadu
Kabayan: “Mang Lebé, ngadu naon anu kira-kirana teu ngabatalkeun puasa?”
Mang Lebé: “Kangaranan ngadu mah kabéh ogé matak ngabatalkeun puasa. Masing teu keur puasa ogé ngadu mah teu meunang deuleu!”
Kabayan: “Ari ceuk uing mah aya ngadu anu teu ngabatalkeun puasa.”
Mang Lebé: “Ngadu naon kitu?”
Kabayan: “Ngadu…ngadulag.”
Mang Lebé: “Ah bisa waé ilaing mah.”

Muput Reungit
Mitohana: “Kabayan, keur naon manéh téh cicing baé di kamar?”
Kabayan: “Nabuburit, Ma!”
Mitohana: “Ari éta naon anu ngebul?”
Kabayan: “Haseup, Ma!”
Mitohana: “Heueuh keur naon?”
Kabayan: “Keur muput reungit.”
Mitohana: “Naha haseupna bau roko?”
Kabayan: “Nya éta obat nyamukna béak, kapaksa wé muputna ku roko.”

Si Kabayan jadi Reporter
Si Kabayan jadi réporter radio, basa aya pertandingan antara Pérsebaya vs Pérsib taun 60-an jaman jayana Abdul Kadir (Pérsebaya) jeung Rukman (Pérsib). Si Kabayan dibaturan ku Lamsijan.
Si Kabayan: “Iyah saudara pendengar, Abdul kadir ngabecir, nyépak ti gigir, bola nepi ka muntir, atuh kiper kuat ka nyengir da bal ngadupak biwir, nepi ka ngadahdir….
Lamsijan: (Ngaharéwos): “Enggeus euy, watir!

Lieur
Harita Nyi Iteung rék solat lohor, geus maké mukena lengkep. Ngan palebah rék takbir pisan, telepon disada (ti Si Kabayan), tuluy Nyi Iteung lumpat ngangkat heula telepon.
Nyi Iteung: “Alloohuakbar!”
Si Kabayan ngahuleng, lieur kudu ngomong naon.

Paingan

Kabayan: “Éta mah euy, sakitu murag tina tangkal kalapa anu sakitu jangkungna, da teu nanaon atuh. Kalah jleng sakali, tuluyna mah gugulitikan.”
Asnaip: “Saha euy, mani kuatan kitu. Boga élmu meureun?”
Kabayan: “Ah, teu singna boga élmu.”
Asnaip: “Heueuh, saha éta té?”
Kabayan: “Kalapa.”

Teu Tulus Digawé
Kabayan téh ngalamar gawé ka hiji pabrik, keur diwawancara ku bagian personalia.
Kabag: ”Cing caritakeun, asal-ulsul anjeun téh ti mana, Kabayan!”
Kabayan: “Ari asal mah nya ti indung. Ngan cenah mah nu mimiti ngusulkeun téh…pun bapa!”
Kabag: “ Wayahna baé anjeun kudu ninggalkeun pabrik ayeuna kénéh!

Tina Barakatak Manglé

6 Balesan to “Kabayan, Aya-aya Waé”

  1. ahmadlabib said

    ha..ha..ha.. sae pisan humor na, eh ari mangle aya keneh teh?
    mani waas ngadangu mangle, da ti sakaemut, eta majalah teh parantos aya

  2. Pribumi said

    Majalah Mangle alhamdulillah masih jumeneng keneh, kantenan ayeuna mah seueur rencangna (majalah sunda nu sanesna)sapertos Cupumanik, sareng nu sanesna.

  3. ahmadlabib said

    ngiring ngahibur saalit ;
    Hiji waktos Bang Budi rerencangan sim abdi urang Medan diseungseurikeun ku urang Thailand anu didamel dihiji bang Islam, basa anjeuna bade ngadamel rekening di eta bang.Sateuacana Bang Budi sok biasa garuyon sareng abdi atanapi Kang Dziki anu asli urang Bandung. Nalika ningali pasporna ti Indonesia eta urang Thailand naros ka bang Budi:
    “Bapa dari Indonesia ya?”
    “Iya, kok bisa basa Indonesia?” Saur bang budi heran.
    “iya, saya lama di Indonesia.tepatnya di Bandung.”
    “Aya-aya wae…..” saur bang Budi pede (percaya diri)
    kantenan urang Thailand teh bengong………….teras nyerengeh..seuri
    “Kenapa pa?” bang budi naros bari mencrong
    “Bapa tahu ga artinya yang barusan bapa ucapkan?”
    “Tidak”Saur bang Budi bari nyengir…..
    Saparantos dijelaskeun ku Urang Thailand hartosna, atuh puguh bang Budi isineun kacida.Tapi suasanana jadi akrab………….

  4. B1 6010 said

    hoho… aya aya wae…
    eta si bapak budi…🙂

  5. Emang naon kitu hartosna aya-aya wae dina basa Thailand?

  6. Tèta said

    Haha!
    Haha!
    Hahahaha!

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

 
%d bloggers like this: