Rohang Kalam jeung Daluang

Nyiar Luang ti Papada Urang

Eusi Blog

ps.jpgIeu blog diajangkeun pikeun ngawadahan rupa-rupa tulisan dina basa Sunda. Tulisan saha bae anu gede minatna kana ngamumule basa katut sastra Sunda. Harepan administrator, ieu blog teh bisa jadi rawayan anu nepungkeun individu-individu pituin urang Sunda pikeun ngayakeun padungdengan ngeunaan kasundaan, dina raraga ngaraksa ngariksa banda titinggal karuhun urang Sunda. Hadirna ieu blog dimimitian ku bismillahirrahmaanirrahiim. Mugia urang Sunda nanjung apanjang-apunjung, tanjeur di juritan jaya di buana.

43 Balesan to “Eusi Blog”

  1. 🙂

  2. pribumi said

    🙂

  3. gajahkurus said

    Sampurasun…
    Sim kuring ngaraos kataji ku ieu blog (basa sunda na naon upami blog), panginten pangersa nu ngageugeuh ieu blog langkung uninga. Hapunten tos kumawantun lebet ka blog.

  4. pribumi said

    Rampes…
    Ku emutan, blog dina basa Sunda nya blog we, asal ulah ditambihan awalna ku kecap go:). Cindekna teu aya istilah basa Sundana. Janten kecap blog teh ngabeungharan kosa kecap basa Sunda. Hatur nuhun parantos kersa rurumpaheun ka taman Bujanggamanik anu mung sakieu buktosna. Diantos saran sareng komentar salajengna.

  5. kusmayadi said

    mun emut sepuh kapungkur, sok mepende ku mangrupi-rupi dongeng, ayeuna eta dongeng teh aya deui, hatur nuhun eteh…

  6. pribumi said

    Sawangsulna, hatur nuhun kana kasumpingan sareng komentarna.

  7. aparaka said

    Sampurasun teh,
    Bade nyuhunkeun widi ka teteh. Tiasa kitu upami sim kuring ngirim ngopi dongeng-dongengna? Hatur nuhun ah sateuacana. Sae pisan blogna.

    pun Sarip

  8. Pribumi said

    Rampes saderek Sarip,
    Salam kenal ti sim kuring. Mangga teh teuing bade ngopi dongeng2 mah, bebas we da gratis ieuh hehehe…Hatur nuhun kana kasumpinganana, mugi henteu bosen rurumpaheun ka Taman Bujanggamanik.

  9. Ass. Euleuh… euleuh…
    asa mani waas gening, sateucana punten abi mah teu tiasa basa sunda nu leres, mung sakieu we gening sapertos basa kanggo sadidinten.
    Blog na mani sa deuih…,
    Ibu abimah hoyong nga-request, carita-carita lucu si kabayan nu sanes we.
    Hatur nuhun sateuacana….

  10. Pribumi said

    Waalaikumsalam,
    Hatur nuhun kana kasumpinganana, Ayi Hari. Insya Allah pamundut saderek bade diemutan. Urang paluruh deui carios-carios Si Kabayan nu sanesna.

  11. B1 6010 said

    Ibu mangga wae.. pmi bade di link keun mah…
    sae pisan..

  12. Hatur nuhun, Yi. Ku abdi bade di-link dina blog nu ieu.

  13. van PESIE said

    dongeng si kabayan kumaha ieu?

  14. deny said

    hatur nuhun teh.. sae pisan….mugi tiasa ngalebet carita sunda nu sanesna..

  15. Pribumi said

    Saleresna seueur keneh carios nu bade diposting dina ieu blog teh. Ngantosan waktos nu rineh kanggo mostingna. Nuhun ka sdrk Deny.

  16. Maman Gantra said

    Wilujeng, Teh… Blogna sae pisan. Teraskeun…

    Baktos,
    MGT

  17. Hatur nuhun saderek Maman. Mangga atuh bilih bade ngersakeun maparin saran sasieureun sabeunyeureun, diantos pisan.

  18. elis-rose said

    Asslmualakum???
    sampurasun…
    alhamdulilah… abdi meuni kataji ku aya na blog urang sunda.
    nembean lis lebet ka blog ieu.
    mudah2n urang sunda salawasna di tangtayungan ku Alloh SWT.amiin
    salam sono kasadayana. o…enya bade tumaros abdi hoyong ngembangkan bakat ngadamel sajak sunda. keudah kamana nya???
    yuswa lis 20 taun.basa nuju SMP lis pernah ngintun sajak sunda ka salah sahiji media basa sunda,alhamdulilah diterbitkn. tah ayeuna abdi hoyong ngirim2kn deui tapi bingung kdah kmn?
    nyuhunkn bongbolongan nana..
    kirim ka email elisanalislab@yahoo.com
    haturnuhun.

  19. elis-rose said

    add.elisanalislab@yahoo.com

  20. Pribumi said

    Rampes. Bagea Ayi Lis. Perkawis ngarang sajak, teraskeun, aya 2 hal anu tiasa ngarojong kana bakat nyerat saderek: seueur maca karya batur srg sering latihan. Sajakna cobi kintunkeun ka Mangle, jln Lodaya no. 19 Bdg.

  21. yoyon suryono said

    sok rada kagok nganggo basa sunda teh, tos langkung 30 tahun jarang berbahasa sunda. Ku ayana ieu blog panginten tiasa dianggo ngemut2 deui basa sunda. Hatur nuhun aya media berbasa sunda, alhamudillah. Nuhunkeun informasi majalah basa sunda selain mangle?

  22. Pribumi said

    Hatur nuhun kana kasumpinganana saderek Yoyon. Perkawis majalah basa Sunda anu kantos kabaca ku sim kuring mah, sajabi ti Mangle teh oge aya Cupumanik, Sunda Midang, sareng Seni Budaya.

  23. Wilujeng. Motekar sareng sae pisan Blog-na. Seratan ngeunaan Bulan Puasa di Lembur, matak waas ….. mulangkeun panineungan ka jaman keur budak ….. Ageung mangfaat-na deuih …. bahan inspirasi mun Si Bungsu nagih PR basa Sunda …. Sakali deui wilujeng nya Teh … Diantos seratan nu sanesna ..

  24. Pribumi said

    Salam kenal saderek Endang. Sim kuring teu rumaos motekar, mung ieu mah bakat ku nyaah ka Ki Sunda, bakat ku hoyong ngamumule sareng nanjeurkeun Ki Sunda, dugi ka abeng-abengan nganjang ka dunya maya, anu ahirna bumetah di alam nu eta, ngadamel padumukan paranti reureuh saheulaanan di alam nu sarimbag sareng alam impian, eta padumukan teh nya eta blog nu ieu pisan, paranti tepung lawung sareng urang Sunda di mana bae ayana, anu kersa rurumpaheun ka dieu. Insya Allah ieu blog ku sim kuring bade ditambihan deui ku seratan-seratan sanesna anu diperyogikeun ku balarea. Hatur nuhun kana kasumpingan saderek.

  25. iis latifah saputra said

    haturnuhun pisan abdi bingah,kuayana majalah sunda komo abdimah ayeuna aya di US tos lami pisan sim abdi tos gentos IDna janten liasalma@yahoo.com.haturnuhun

  26. iis latifah saputra said

    aduh teteh blogna manisae pisan.wilujeung,abdi parantos digentos IDna janteun liasalma@yahoo.com tapi simabdi masih ngumbara di US,sataun sakali upami aya beukeul uih kabandung.abdi cintapisan ana sagalarupi kasundaan.

  27. Pribumi said

    Hatur nuhun, diantos atuh di Indonesia upami kaleresan mulih ka lemah cai.

  28. Uskar Sumarna said

    Teteh,
    kumaha upami “said” teh digentos bae ku kecap “saur”.
    Upamina bae : Saur Neneng,
    Saur teteh

  29. Pribumi said

    Hatur nuhun pisan ka gajahkurus anu parantos luntur galih ngalereskeun perkawis basa nu dianggo dina ieu blog, tina basa Inggris janten basa Sunda. Ku kituna pamundut ti saderek Uskar parantos ditedunan.

  30. urang citarum said

    aya ku reueus tur bagja ningal sumanget anu ngagedur dina ngamumule budaya sunda, nuhuuuuun teteh

  31. Pun Alawi ti Cililin said

    Hatur nuhun Teteh,
    Gening masih keneh aya anu kersa ngamumule budaya sareng basa Sunda. Sanaos abdi ngumbara ka daerah anu sanes, keukeuh ari ka Ki Sunda mah nyampeulit. Salah sawiosna ku maos ieu blog. Sok atuh urang sasarengan, rojong ku sadayana, urang mumule basa sareng budaya Sunda teh. Da gening saha deui atuh. Malah sok sedih pami tepang sareng urang Sunda tapi nyariosna teh sok ngangge basa sejen. Siga nu isin pami ngangge basa indung teh. Mang hanjakalkeun….

  32. surya kusumah/kang acun said

    teh blog na sae pisan….wios abdi niron..?

    _______________________________________________________________________________________________

    Kang Acun, Hatur nuhun kana kasumpinanana. Mangga wae bade niron mah.

  33. ass… wilujeng tepang teh sareng abdi ti lembur nyingkur nu ka telah Garut tea. Sae pisan geningan blog nu kagungan teh. punten pami diwidian mah abdi bade nyedot eusi nu aya dina ieu blog kanggo dipasang dina blog sim kuring. kumargi sim koreng ge nembean diajar sareng nuju milarian bahan ngeunaan budaya sunda. diantos waleranna di email abdi di wizan_arco@yahoo.com. sareng deui panginten dihaturanan linggih di blog sim kuring sareng nyuhunkeun komentarna supados tiasa ngamemerenahna. wass…

  34. Bujanggamanik said

    Waalaikumsalam, Haturan wilujeng sumping saderek Jaja. Mangga teh teuing ari kaanggo mah bade nyandak seratan-seratan tina ieu blog oge. Hatur nuhun kana kasumpinganana.

  35. aggi sukmawan said

    Assalamualaikum,

    Matak reueus janten urang Sunda.
    Abdi ngiringannya🙂

  36. Neni Ratna Yuliani said

    Teteh, reueus kacida abdi ka Teteh anu sakitu percekana, sanaos abdi nembean lebet ka ieu rohang, abdi langsung kataji sareng ngaraos langsung cop kana hate. Bingaaah pisan tiasa mendakan anu kieu, mugia sing manjang, amien ..

  37. qienzen said

    sampurasun,
    bingah amar watasuta, bingah lir kagiri-giri.
    hatur nuhun, tos janten pangajen wadah kanggo urang sunda mireueus kana kabudayan sunda.
    abdi teh sok ngabiasakaeun ngangge basa sunda anu kalintang buhun, dina sababaraha waktos, sok di sindiran “KUNO”m tapi abdimah mincinta pisan kana budaya sunda teh, anu sakitu anteb na dina jalan kahirupan.

    tong boro kitu, urang kalimantan, sulawesi oge, singhoreng simana horeng geuning mikareueus kana kakawihan sunda teh, komo kana layeutan mah.
    abdi kantos ngalalana di kota samarinda, geuning, diditu teh basa sunda sok dianggo, di selapkeun sareng bahasa aranjeuna, sarupaning (euy, mah, atuh, teh, sareg anu liana.

    mana anu sanesna ???????

  38. bunga said

    abdi, baris nyuhunkeun komentar sareng kritik kanggo sajak abdi dihandap. pribados nembean ngadamel sajak…🙂 resep, nanging baluweng kedah nyuhunkeun kritik kasaha atanapi dikirim kamana…🙂

    RUMINGKANG
    ku : Bunga Dessri Nur Ghaliyah (SMAN 1 Sumedang)

    ari diri keur nyorang…

    pikiran sok ngawang-ngawang…

    hate hariwang

    paanggang

    lamun emutan beurat…

    kadang sok hayang ngadat

    kapeurih ngagedat

    ngolebat…

    kasuat-suat…

    aya anggang dina raga…

    katresna dina dada…

    kingkin dina jiwa…

    kamana kudu diteang?

    na kamana kuring kudu datang?

    anjeunna geus miang…

    raga jadi anggang…

    tapi…

    tapi ati tetep raket

    hate deukeut…

    geugeut…

    meumeut…

    lain waktuna kesel…

    geus lain usumna sebel…

    ngado’a…

    menta kanu maha kawasa…

    mapalerkeun jiwa…

    nenangkeun raga

    matak tiis dina dada…

    yakin da Gusti mah moal mirosea…

    mikanyaah balarea…

    kaasup anjeunna nu aya di alam baka…

    tangtu rahmatna bakal dibuka…

    amin..

  39. geofany said

    ass…..aya nu trank si kabayan jadi milyuner sinopsis na teu….jwab ya

    • aria galuh said

      sampurasun, duh meni asa rusras,asa aya batur pakumaha,lajéngkeun perjuangan urang dina ngaraksa budaya anu pangkolotna,nyaéta bahasa..sim kuring ti YAYASAN GALUH PAKUAN PADJADJARAN,ngahaturkeun salam kawanoh,kasadayana..utama ka pihak admin,hatur nuhun.

  40. kang darman said

    kataji pisan …..

  41. abah suminta said

    sampurasuun…… kataji pisan, Punten sim kuring mah, teu bisa bahasa sunda anu lemes, alatan kacandak ku bahasa wewengkon karawangan, mung sing enya oge teu tiasa, simkuring moal eren kurah koreh kana titinggal karuhun, hapunten pami aya bahasa anu kasar, sakali deui hapunten……

  42. acun said

    haturan guru imajiner abdi

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

 
%d bloggers like this: