Rohang Kalam jeung Daluang

Nyiar Luang ti Papada Urang

Kawih-kawih Mang Koko II

Posted by bujanggamanik dina Séptémber 18, 2008

Patani

Leumpang gagancangan, muru pagawean
Ngagedig leumpang patani
Paculna dipanggul, bari udud ngebul
Mapay jalan nu sasari
Datang-datang gecruk macul
Ngolah tanah ambeh cukul

Bapa tani jongjon, ngolah sawah kebon
ngadekul ngagarap hanca
kuat kahujanan, kuat kapanasan
tulaten ngurus pakaya
bapa tani ahli bakti
babakti ka lemah cai

___________________________________________________________________________________________________

Balap Lumpat

Balap lumpat patarik-tarik lumpatna
Balap lumpat paheula-heula tepina
Hiji dua barudak sadia
Tilu barenglumpat paheula
Lumpat tarik bebeakan
Muru kalang pameunangan

Lumpat tarik meakkeun kabeh tanaga
Embung kasor haying dating pangheulana
Lumpat tarik tangtuna sok lempoh
Silih susul ambekan hah-heh-hoh
Nicak kalang pameunangan surakna ayeuh-ayeuhan

Balap lumpat papada hayang tiheula
Balap lumpat museurkeun kabeh tanaga
Lumpat cape beakkeun tanaga
Lesu ngaclek nyusul teu kaduga
Lumpat nyisi dodongkoan
Ku baturna dikeprokan

___________________________________________________________________________________________________

Gumbira

Rasa guligah rapot alus angkana
Seuri gumbira ha ha ha ha
Seubeuh pamuji irung ge asa kembung
Igel-igelan pak pong pak pong gung

Rasa guligah itungan bener kabeh
Seuri jeung surak, heup heup heup horseh
Waktu pakanci ulin bareng ngalabring
Kakarawihan, during duraring

___________________________________________________________________________________________________

Niron Tentara

Ngabaris beres niron tentara
Terus maju jalan tu dwa tu dwa
Leumpang gandang dangah gagah
Baris bari ngatur lengkah

Nyorendang bedil niron tentara
Belok kanan kiri tu dwa tu dwa
Ngerab-ngerab sang dwi warna
Siap maju bitotama

Leumpang dipirig ku tatamburan
Keupatna diatur tu dwa tu dwa
Lencang kanan lencang kiri
Terus maju banting kaki

___________________________________________________________________________________________________

Pahlawan (Karatagan Pahlawan)

Teu honceang sumoreang
Tekadna pahlawan bangsa
Cadu mundur pantrang mulang
Mun maksud tacan laksana
Berjuang keur lemah cai
Lali rabi tur tegang pati
Taya basa menta pamulang tarima
Iklas rido keur korban merdeka.

___________________________________________________________________________________________________

Hayam jago

Kongkorongok Si Jago
Kukuruyuk Si pelung
Rebun-rebun geus nyaring ngajak carincing
Ngabar sora jeung baturna
Raong kongkorongok bari papacok

___________________________________________________________________________________________________

Ngayuh Hujan

Hujan turun tutumplukan
Kuwung-kuwung narembongan
Anu hejo anu kayas
Matak kelar matak waas
Cur hujan geura breg turunsing rata
Pek siram tatanen masing walatra

Hujan geura turun deui
Supaya maseuhan bumi
Bumi tempat pepelakan
Sangkan timbul karaharjaan
Cur hujan geura breg turun sing rata
Pek siram tatanen masing walatra

Hujan turun tutumplukan
Rek nulungan pepelakan
Nu keur meunang kasusahan
Rek laju kahalodoan
Cur hujan geura breg turun sing rata
Pek siram tatanen masing walatra
___________________________________________________________________________________________________

Lalamunan

Mun pareng abdi nincak dewasa
Bade ngabantu rukun tatangga
Gotong royong tur sabilulungan
Trong-trong-trong sora kohkol ngelingan

Mun abdi pareng nincak dewasa
Haying laksana jadi tentara
Ngusir musuh nu rek niat jail
Dor dor dor musuh paeh dibedil

Mun abdi pareng jadi nu kaya
Moal nyaah ka dunya barana
Pakir miskin nu katalangsara
Sok sok sok rek dibagi walatra
___________________________________________________________________________________________________

Layung

Beureum koneng pulas langit
Tingarudat siga gambar
Alam endah leuh mindah rupa
Awor jeung warnaning kembang di buruan

Hayu batur hayu batur
Buruan geus ngadagoan
Urang ulin yu gogonjakan
suka seuri galumbira tetembangan
____________________________________________________________________________________________________

Bandung

Bandung…Bandung
Bandung nelah kota kembang
Bandung…Bandung
Sasakala Sangkuriang
Dilingkung gunung heurin ku tangtung
Poseur kota nu mulya parahiyangan
Bandung…Bandung
Pada muru dijarugjugan

Bandung…Bandung
Tingrunggunuk nyanding gunung
Bandung…Bandung
Dipasieun Cikapundung
Di Bandung munpung, jalma ti kampong
Ngadon reureuh di kota nyinglar kabinung
Bandung…Bandung pangbeberah nu ngadon nguyung
____________________________________________________________________________________________________

Tumpak Beca

Tumpak beca beca
Jalan anca anca
Suka ria galumbira

Tumpak beca bari gogonjakan
Calikna bari lalagdayan

Darmawisata kukurilingan
Niron anu numpak mobil sedan

Jalanna muter kukulinceran
Itung-itung pelesiran
Beca beca beca
Nawar beca jeung pilihan
Sangkan cukup ku tiluan

Angin leutik raos ngahiliwir
Nebak ka nu keur pelesir
Beca beca beca
Jalanna hayang nguriling
Mayarna tong mahal teuing

Tumpak beca beca
Jalan anca anca
Suka suka ria galumbira

Ulin di Buruan

A…….a a a a a ha ha ha galumbira
I………i i i i i i hi hi hi suka seuri

Ulin di buruan ulah sok silih heureuyan
Ulin di buruan ulah sok silih poyokan

Ulin di buruan ulah sok kamalinaan
Lamun kaleuwihan urang nu rugi sorangan

9 Balesan to “Kawih-kawih Mang Koko II”

  1. Salam

    ngiringan ….maos

    nepangken ( BAJA ) Bandung Jawa

  2. Pribumi said

    Waalaikumsalam,
    Wilujeng tepang di ieu blog sareng sim kuring. Mangga, sing sering maosan seratanana. Hatur nuhun.

  3. Amirah Kaca Sumarto said

    Kebetulan saya sedang mencari lirik “Bandung”. Dan sekarang sudah ditemukan di posting ini. Terima kasih..

  4. Saya ikut senang, adik bisa menemukan dengan segera apa yang adik cari. Terima kasih pula atas kunjungannya.

  5. Darpan said

    Sampurasun….! Ngiring lolongok. Emh, rajin ari euceuna. Sagala aya sagala nyampak, resep siga nuju ameng di Pasar Baru. Nuhun, sareng bade persmios deui we ah, bade ngabujangga manik deui, niron-niron Ameng Layaran, nyungsi-nyungsi tepis wiring…..mangga!

  6. Pribumi said

    Bagea Ayi Darpan. Nuhun kersa rurumpaheun ka dieu. haha…naha bet disamikeun sareng Pasar Baru ieu blog teh? Ah sok aya-aya bae. Bade jujur we, abdi kantos kapati-pati ku carpon-carpon saderek, margi seratan Darpan Ariawinangun nenggang sareng gagah!

  7. surya kusumah/kang acun said

    punten bade di copy kawih mang kokona kanggo nga euyeuban di fesbuk abdi…margi abdi ngadamel hiji rohangan di fesbuk..nyaeta MANG MANG KOKO MUSISI SUNDA….

    _______________________________________________________________________________________________

    Kang Acun, mangga bade dicopy mah. Wilujeng!

  8. yudi nurohman said

    naros lirik lagu ieu” tuh tangkuban parahu aya dua hate nu jangji pasini…… sangkuriang kaberangan….kadedeh kaasih omat ulah cangcaya

  9. sisca said

    Pami lirik lagu “tuh tangkuban parahu aya 2 hate nu janji pasini” eta teh naon judulna sareng saha nu nyanyina? nuhun.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

 
%d bloggers like this: