Rohang Kalam jeung Daluang

Nyiar Luang ti Papada Urang

Ngurek Bulan Puasa & Nganteurkeun Rantang

Posted by bujanggamanik dina Séptémber 6, 2008

Ngurek Bulan Puasa

Ku Asep Ruhimat

Ngurek téh geus jadi kalangenan anu pohara resepna. Bari resep bari aya hasilna deuih. Seug komo bulan puasa, salian ti resep bari meunang belut téh, apan ngabuburit; waktu buka nyérélék teu karasa.

Lain bohong bulan puasa téh malah ramé di sawah,teu sirikna ti isuk jedur tepi ka sore jedér tingaraleutna nu ngurek téh. Jeung, anéhna najan unggal poé diurekan, belut téh sasat teu ngorotan. Bubuhan tara aya nu pirajeunan nyetrum atawa mortas harita mah. Da kuring jeung babaturan gé tara nepi ka nyamos, beuki jauh ngaprakna, beuki loba hasilna. Ngan édas, abong budak, dina ngurek gé osok waé aya lengerna. Babaturan nu keur jongjon ngakalan “belut ngolo” mani depong-depong waé na galengan. Ditimbul ku taneuh eumeul-eumeul ti kajauhan, sok kanjat tikusruk éta téh. Resep nénjo bébérénténgna ka nu séjén, da kuring mah sok gancang pura-pura jejem malar teu katohyan. Kitulah jiga noel ceuli budak nu aya di hareupeun atawa gigireun urang, apan sok rungah-ringeuh bari nyangka ka saha waé.

______________________________________________________________________________________________

Nganteurkeun Rantang


Pisaminggueun deui ka lebaran, suasana lembur karasa robahna, hégar béar. Bubuhan nyampeuk ka lebaran, sagala rupa diberesihan. Teu sirikna jarian ogé dikoprakan dicacaran, geus karuhan imah katut pagerna dipulas pabodas-bodas. Tah guyubna masarakat ngurus lembur téh dina mangsa nyampeuk lebaran jeung agustusan. Atuh masarakat ogé témbong naker béar budina, bubuhan puseurna kabagjaan saréréa lebaran mah.

Tah, aya hiji kabiasaan nyampeuk lebaran anu kiwari geus mimiti langka, nya éta kabiasaan silih anteuran rantang. Ari maksudna mah pikeun silih asaan rejeki jeung tatangga. Kitu wé rantang téh kukulibekan di lembur. Tampolana sanga kumeli atawa besengek cabé pangirim sok kanjat dikirimkeun deui. Anu matak mindeng kajadian, besengek ti urang balik deui ka urang. Bisa jadi éta besengek ngalaman ider-ideran heula.

Upama jeung tatangga geus bérés, kakara rantang téh liar ka nu rada jauh, pangpangna nepungan dulur-dulur anu cék pancakaki saluhureun. Anu matak teu anéh mindeng nangénan pangeusi lembur tingalabring bari ngajingjing rantang. Da ari nepungan dulur mah sok sabondoroyot, atuh baju nu dipaké gé kudu nu rada pantes. Jaman keur budak, sok ngahaja milu nganteurkeun rantang ka nu jauh mah, najan enya nikreuh tara ieuh ngarasula. Éta pangpangna mah, di ditu sok pada nanya, pajar ”tos batal teu acan?”, najan kungsi nyémén, tara geruh, istuning nyebut can batal baé. Atuh peresénan buruh tamat puasa kaerong bakal kapésakan. Da jeung enyana, balik nganteurkeun rantang téh obat béntol waé mah kabeuli.

Tina Sambel Jaér, Karya Drs. Asep Ruhimat

14 Balesan to “Ngurek Bulan Puasa & Nganteurkeun Rantang”

  1. Aang Zaeni said

    wah leres pisan teh mun dina sasih saum mah sok rame pisan anu ngurek teh…biasa sok asa kabebenjokeun tara karaos dugi kamagrib teh,ngan hanjakal ari abdi teh teu tiasa ngurek ngan sok ngarencangan batur weh…salembur mah suganteh nu teu tiasa ngurek ngan abdi wungkul…
    he he he…

  2. Pribumi said

    Atuh teu acan tiasa disebat urang Garut teu tiasa ngurek mah, Yi!

  3. Roban said

    Ayeuna mah belutna oge tos jarang,da sawahna oge sok di semprot ku racun.

  4. Good bye aza atuh sakadang belut yach…..

  5. Aang Zaeni said

    ah teu kitu teh urang garut juga manusia, he he he,,,
    tapi ari dilembur mah kang Roban masih seueur belut komo disawah anu subur cainamah…

    ngan ari ayeunamah masalah na contona dilembur kuring sawah teh tos sesah caina da sasat leuweung na digarundulan te gening!

    Tah teh kumaha atuh pintonkeun weh lah dongen Sakadang Belut (Diantos pisan)

  6. Roban said

    Ari dongeng ngeunaan belut mah asa teu acan ngadangu atuh nya Teh.
    Aya oge dongeng nu gaduh elmu belut putih!
    He…..he…..heeeeeeeee

  7. asa waraas nyawang alam katukang…..

  8. NEDA WIDI di share (puguhan bingung milari kecap dibagiken dina basa sunda nu payus) di account facebook sim kuring mugi teu janten jaheut manah…hatur nuhun sateuacana

  9. Do you have a spam problem on this site; I also am a blogger, and I was wondering your situation; we
    have created some nice methods and we are looking
    to exchange methods with others, why not shoot me an email if interested.

  10. You are so awesome! I do not believe I’ve read through something like this before.

    So good to find somebody with a few original thoughts on this subject matter.
    Really.. many thanks for starting this up. This web site is
    something that is needed on the web, someone with a bit of originality!

  11. I don’t know whether it’s just me or if perhaps
    everyone else experiencing problems with your site.
    It looks like some of the written text on your content are running off the screen.
    Can somebody else please provide feedback and let me know if this is happening to them as well?
    This might be a problem with my browser because I’ve had this happen previously.
    Cheers

  12. If some one needs to be updated with latest technologies therefore he must be go to see
    this web site and be up to date daily.

  13. To avoid such a confusion, you should better select an orthodontist rather
    than a general dentist. But itt can be hard
    tto recognize which insurance plan offers the best coverage for orthodontic treatment.

    Jared Ward, DMD, MS and his staff, located at 2720 Council Trree Ave.

  14. I do not know whether it’s just me or if everybody else experiencing problems with your website.
    It seems like some of the written text within your posts are
    running off the screen. Can somebody else please provide
    feedback and let me know if this is happening to them too?
    This might be a issue with my browser because I’ve
    had this happen before. Many thanks

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

 
%d bloggers like this: