Rohang Kalam jeung Daluang

Nyiar Luang ti Papada Urang

Kidung Nataan Kacamatan Garut Pangirutan Ati

Posted by bujanggamanik dina Juli 2, 2008

Ku Enas Mabarti

1. Nyukcruk Kabupatén Garut
Garut Kota dayeuh inti
Ngétan ka Karangpawitan
Wanaraja nganti-nganti
Nguliwed ka Karangtengah
Ngahening di Sukawening

2. Rék menekung di Cibatu
Kersamanah léah ati
Malangbong ngajak paturay
Ti Limbangan Selaawi
Milepas ka Kadungora
Di Lélés leleson deui

3. Norobos brak ka Cibiuk
Leuwigoong Banyuresmi
Tarogong jung ka Samarang
Nanjak netek Pasirwangi
Di Bayongbong ngaso heula
Ka Cilawu Sukaresmi

4. Ka Cisurupan Ngadius
Hawana karasa tiis
Ngawahan keur ka Cikajang
Ka Cihurip Banjarwangi
Ka Peundeuy ti Singajaya
Ka Cibalong mani rumpil

5. Di Pameungpeuk neuteup laut
Iplik-aplak tungtung langit
tingjelegur sora ombak
Meupeus di sisi basisir
Cikelét bangun ngelétan
Ku Cisompét geus dianti

6. Pamulihan ngagelenyu
Ngahiap ngajakan mulih
Pakenjeng atra gupayna
Bungbulang semu ngageuri
Samaruk moal disaba
Pédah labas ka Caringin

7. Ciséwu bangun nu ngungun
Kudumeh di tungtung nagri
Risi rémpan teu katéang
Talégong bangun sukingki
Samar rék sabar tawekal
Dugi ka iraha nganti

Tina Manglé No. 2165

12 Balesan to “Kidung Nataan Kacamatan Garut Pangirutan Ati”

  1. Pribumi said

    Hatur nuhun pisan ka gajahkurus anu parantos ngedit ieu postingan, mudah-mudahan teu kapok ngabantosan abdi, margi abdi aya pamundut deui🙂. Sajak anu judulna “Maluruh Talaga Wening, Nyorangan” oge, teu acan leres outline-na, teu acan mangrupi pada (bait). Sakantenan we atuh panglereskeun, hehehe…

  2. urang ozi said

    Naha ari iyeu teh sajak atanapi pupuh lagu? naha masih aya nu ngalagukeun pupuh sunda jaman ayeuna? Tapi sim kuring aya sababaraha kata nu teu ngartos hartina cik bejaan, sapertos:
    menekung
    nanjak netek
    ngawahan
    ngageuri
    sukingki
    mugi nu gaduh blog iyeu kersa ngamaklum ka sim kuring…Hatur nuhun sateuacana…etang2 diajar bs sunda deui wae nya? ka jalmi ahlina….

  3. pribumi said

    Ieu karangan namina guguritan. Masih keneh aya nu nembangkeun, di antawisna para seniman, sareng para siswa anu nuju diajar nembang ku guru basa Sunda.
    Menekung= tapakur
    nanjak netek= nanjak pisan
    ngawahan= mengambil ancang-ancang (biasana mun bade lumpat)
    ngageuri= meratap
    sukingki= sedih, ngungun, murung
    Mugia ieu waleran tiasa nyugemakeun saderek. Hatur nuhun kana komentarna.

  4. fz said

    Hatur nuhun kana waleran nana. Meni beunghar ku kata nya bs sunda mah.

  5. memang ku mojang garut matak ka irut…..😀

  6. Pribumi said

    Duh…mojang Garut
    geuning seueur nu kairut
    ku kituna kedah emut
    ulah sagawayah maledogkeun imut
    bilih aya nu teu anut
    alatan ngadon parebut
    parebut wanoja Garut
    pangirutan ati tea nu teu weleh kaemut-emut…

  7. si uwa said

    ehm bagja temen mojang garut……aya jajaka ka irut……
    kumaha cara ngarebut ……di pikaemut ku mojang garut……

  8. gajahkurus said

    garut pangirutan
    singaparna lemah cai
    ulah gampil kapaut imut
    cing emut ka nu di bumi

    halah…jadi emut jaman baheula, sisindiran di pos ronda😀

  9. duka saha said

    Marebutkeun wanoja garut
    dunya maya tempatna nu sok dianut
    cing saha nu dipikaemut
    ku salira..nya… mojang garut?

    sok cing saha………?
    sisidiran nu teu merenah urutan nana …ha ha ha…..

  10. pribumi said

    Sok atuh ngadaramel deui sisindiran ngarah rame!

  11. si uwa said

    urang teteguhan wae yuk ayeuna mah, sok teguh yeuh:
    Why chickens cross the road?
    Sok teguh tah!

  12. I’m not sure where you are getting your information, but good topic. I needs to spend some time learning more or understanding more. Thanks for wonderful information I was looking for this information for my mission.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

 
%d bloggers like this: