Rohang Kalam jeung Daluang

Nyiar Luang ti Papada Urang

Dalem Boncél

Posted by bujanggamanik dina Pébruari 6, 2008

dalem.jpgBagian ka-9

Dina hiji poé Dalem Boncél katarajang kasakit ateul sakujur salirana. Tadina mah dianggap ateul biasa baé, tapi lila-lila kanyataan taya obat anu matih. Dukun lepus paraji sakti kabéh dikumpulkeun, tapi jampé jeung ubarna taya nu mental. Malah kasakitna beuki parna.

Lantaran éta kasakit , Dalem Boncél pohara sangsarana. Calik teu raos, ngadeg ogé teu raos. Pananganana gégétrét terus. Sakapeung nepi ka lali maké pakéan. Boh beurang boh peuting méh teu tiasa kulem. Socana baléér beureum jeung ngucur caian baé. Salirana anu langsip téh beuki langsip baé. Anjeunna teu weléh rumahuh. “Moal salah ieu kasakit téh lantaran doraka!”

Beuki lila kasakitna geus méh teu katahan deui. Rahuhna, “Lamun kieu baé, aing bisa gélo. Duh Ma, Bapa …hapunten putra!”

Ayeuna anjeunna geus gilig rék ka Kandangwesi, rék nyuuh ka pangkonan ibu ramana, rék nyuhunkeun ampun.

Atuh gancang diayakeun sasadiaan. Ponggawa-ponggawa anu kudu ngiring, ditangtukeun. Kuda-kuda, boh kuda tunggang boh kuda umbal dijagragkeun. Pakéan anu aralus keur ibu-ramana disadiakeun. Nya kitu deui kadaharan-kadaharan nu ngrareunah, boh keur bekel di jalan boh keur oléh-oléh ka ditu.

Dina poé nu hadé, rombongan Dalem Boncél téh barangkat. Dalem mah lantaran teu damang… ditandu. Diiring ku ponggwa-ponggawa tarumpak kuda. Sababaraha kuda umbal pinuh ku muatan. Ti Caringin di Banten ka lembur Kandangwesi di Garut kidul téh, lalampahan jauh pisan ….

Anjog ka Kandangwesi rombongan téh langsung ngajugjug ka imah Ma jeung Pa Boncél baé. Tapi, naon nu katingali ku Dalem Boncél? … Imah sepuhna ngan tinggal urutna baé, malah geus jadi kebon eurih sadedeg-sadedeg.

Ti urut tatangga-tatanggana, Dalem kénging katerangan yén Ma jeung Pa Boncél samulangna ti tas néangan anakna téh … garering. Teu lila tuluy maraot, méh bareng.

Ngadangu béja kitu, Dalem Boncél ngajerit … les kapiuhan. Sanggeus émut deui, anjeunna lumpat bari gégétrét ngajugjug pajaratan Ma jeung Pa Boncél, gabrug ngarangkul tutunggul ibu ramana, tuluy nyuuh kana tutunggul ibuna …. Ngagukguk nangis kanyenyerian, bari nyambat-nyambat ibu ramana nyuhunkeun dihapunten…

Salira Dalem Boncél ahirna pinuh ku késrék dugi ka pupusna. *** Tamat.

Tina Dalem Boncél, karya Ki Umbara

10 Balesan to “Dalem Boncél”

  1. Roban said

    Kahirupan teh muter,kadang di handap kadang di luhur.Lamun asalna susah,tuluy ngalaman jaya teu mustahil ahirna oge bakal susah.Sababna waktu keur jaya,kasusah teh di musuhan.Ari nu ngaranna musuh bakal salawasna ngincer,kumaha carana ngawasa anu ngamusuhan manehna.Cilakana jalma teh ku ayana teu nyaho,balangah jeung bodo.Ieu mah pamendak simkuring Teh!

  2. pribumi said

    Waw…ahli filsafat oge geuning Yi, huebat lah!!

  3. Aang Zaeni said

    aduhhhhhhh kangent hoyong mudik ka garutttttt…………..

    teh dupi linggihna dimana???

    nuhun ah, abdi deui abdi deui nya tehh.

  4. asep yusup said

    emmmhhhhm,….jadi emut ka pun biang,….nu sok mangdongengkeun dina waktos bade kulem,….nineung geuning…..nuhun ah.

    kuring teh ayeuna ngumbara di medan, tanah batak tea, asa sok sono kana basa sunda, jeung wangkongan sunda.

    Da kumaha geuning nasib mah kieu, garwa kenging teh urang jawa, asli terah majapahit,…..enya nu nelasan prabu linggabuana dina perang bubat,…….

  5. pribumi said

    Hatur nuhun kana kasumpinganana sareng kana komentarna, saderek Asep. Resep atuh tiasa ngalalana ka tanah sebrang. Teu sadayana kenging kasempetan sapertos kitu. Ngeunaan Majapahiit sareng Linggabuana, eta mah mung kantun sajarah. Urang Sunda sareng urang Jawa teh ayeuna janten dulur pet ku hinis.

  6. Saderek Aang Zaeni, sing sering amengan ka ieu blog. Abdi dumuk teh di Citeureup Cimahi. Diantos komentar salajengna.

  7. Aang Zaeni said

    kang bujangga linggih diciteureup na dimana??

    abdi sakola di STM dipasar atas.ari kawit mah ti garut.ngan linggih di Leuwigajah..
    Tapi ayeuna damel disurabaya…

    hatur nuhun tos tiasa wanoh

  8. Gusti Ayi Aang, abdi mah awewe sanes pameget. Masa aku dibilang kang seh?

  9. Aang Zaeni said

    hapunten teteh abdi hilap, manawi teh teteh pribumi wungkul,abi teu acan terang ka teteh bujangga mah…

    punten nya teh salam wanoh we..

  10. Choky Izanagi NLSI said

    Nice !

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

 
%d bloggers like this: